بسم الله والحمدلله
السلام عليكم جميعا ..
كيفكم
الموضوع باين من عنوانه
مقارنة بين منظف أو مزيل مكياج العيون
من نيفيا ولوريال ..
من الأمور اللي أشيل همها صراحة ..
إزالة مكياج العين خصوصا إذا كان ثقيل أو سموكي
للأمانة كلها تنظف كلها تزيل بشكل رهيب
تحمست أكتب عنها
..
اليوم بإذن الله بكتب تجربتي وإنطباعي
عن كل واحد ..
إذا أنتي من النوع اللي يشيل هم مكياج العين
ويحب يتأكد تماما من نظافة العين
وهذا شي لازم نحرص عليه حتى نتجنب
الهالات السوداء .. وتساقط الرموش أثر الماسكارا المقاومة للماء .. وغيرها
وبذات العيون أمرها حساس وأول شي يتعب ويبان عليه
علامات الشيخوخة (العين )..لازم نهتم شوي شويتين ..
..
نبدأ مع
لوريال
*إيجابياته
جدا خفيف وينظف العين بشكل رهيب
ويترك ماده بسيطة ترطب العين وماتجفف العين بعد أستخدامه
*سلبيات
لازم أعيد على العين كم مره وأحيانا
أستخدم كذا قطنه عشان أتاكد أن العين تماما نظفت
و الماده اللي ترطب مزعجه
ما ادري بس لازم اغسل عيني عشان تروح وارتاح
+ اللي يستخدمون العدسات اليومية
بيعجبهم لانه موجهة لهذي الفئة مثل ماهو مكتوب بالعلبة
نيفيا
* إيجابيات
من أول مره ..من أول ماتحطين القطنة كل شي يختفي
جدا جدا جميل ويبرد القلب وأتاكد تماما أن عيني نظفت من المكياج بس أعيد بشكل بسيط أضمن كل شي راح
وماله أي ريحة
*سلبيات
ينشف العين .. لازم أغسل عيني وأستخدم فازلين بعد مااستخدمه ..أدري تقولون لوريال يرطب ومع ذالك ما أعجبني وهذا نيفيا ينشف ما أعجبني
لوريال ريحته ماحبيتها ..على أنها ريحة خفيفة مو مبينة
لكن نيفيا ينشف تنشيف بسيط لازم أرطب عيني
بفازلين أو محلول عين طبي ..
+ موبس مزيل مكياج عين
برضو المكياج والروج مثل ماهو مكتوب بالعلبة
:
مثل ماهو بين بصور
العلب شبهه فاضية كلها جربتها ..
كلها حلوة وتفي بالغرض ..على حسب الأستخدام والتجربة
لكل وحده ..واللي عيونها تحسس أو عندها مشاكل
تسأل الدكتور عن محلول عين طبي
ومنتجات تنظيف تناسب عينها
للأمانة رجعت أشتري نيفيا ..وبعد برجع أشتريه
ولو يحطون حجم أكبر يكون أحسن
لانه جدا جميل أستهلكة كثير .. على أن حجمه صغير
لكن أقتصادي قطنة وحده منه تكفي العينين
جهة لعين وجهة للعين الثانية
هذا وصل الله وبارك
إن شاءالله أستفدتوا من هذي المقارنة
ولو بشيء بسيط
والقادم أفضل ..
0 comments:
Post a Comment