بسم الله والحمدلله
السلام عليكم ورحمة الله وبركاتة
.
.
اليوم ان شاءالله بتكلم لكم شوي عن فرش سيقما
فرش سيقما اشتهرت وكثير حبوها
لجودتها العالية وسعرها المنافس لماركات ثانية
غالية وأكثر اللي يشترونها خبراء تجميل
لكن سيقما ..الكل يقدر يجربها ويشتريها
لو أتكلم عن هذي الفرش بموضوع.. موضوعين ماراح اخلص
لان جد فرش سيقما أغنتني عن فرش كثير
وحاليا مااستخدم الا هي و أفكر اشتري مجموعات ثانية منها
والمجموعة اللي بتكلم عنها هي فرش الأساس
اللي أسمها " essential kit"
أو "الكابوكي برشيز" اللي هي فرش الأساس أو توزيع
أساسيات المكياج ..
تنقسم الفرش في هذي المجموعة لفرش "كابوكي" كبار وصغار
صراحة أنا كنت ناوية اشتري فرشة "F80"
لتوزيع الأساس فقط اللي هي هذي
كثير خبراء تجميل يستخدمونها في توزيع الأساس
وشفت مدح كثير عليها من البلوقرز..
بس تحمست لما شفت هذي المجموعة
وجربتها وفعلا حبيتها ولا أقدر أستغني عنها
في توزيع الأساس والكونسيلر ..وتحديد الكونتور
وبيني وبينكم ..
ماتقيدت في كل وحده واستخدامها أو مثل ماهو مكتوب ومقسمينه هم في الموقع ..موقع سيقما
استخدمتها على حسب حاجتي وطريقتي
في هذي المجموعة عشر فرش
خمسة \ حجمها كبيرة
وخمسة \ حجمها صغيرة
اللي حجمها كبيرهذي
هذي أستخدامها للبودرة تحت العين أو الطبطبة
أو توزيع الكونسيلر
هذي للبودرة على كامل الوجه
أو في الرقبة .. اللي يفرق عن هذي والفرش الكبار حقت البودرة
هذي توزع البودرة وتثبتها وتخليها تتجانس مع كريم الأساس
.. وأحيانا استخدمها للهاي لايت
هذي أوزع فيها كريم الأساس
جدا جميلة و ماتتستهلك كريم أساس كثير
بالعكس تخليني اقتصد فيه ..
لان شعرها مره كثير ومتلاصق في بعض
فا مستحيل يدخل كريم الأساس لجوا الفرشة
هذي الفرشة المثلثة أو المشطوفة
جدا جدا جميلة في توزيع الكونتور ..وشعرها المتلاصق الكثير
برضو يخليني اقتصد في المنتجات وتوزيعها جدا سهل ومرن
من أكثر الفرش اللي حبيتها في المجموعة
هذي للبلشر أو بودرة الكونتور
.
.
الجميل في الفرش واللي حببني فيها
ان نفس الشعر متلاصق وقريب من بعضه فلما استخدم
اي منتج الفرشة تلقطه بسهولة ومن أول مره
واستخدمتها كثير
وغسلتها الشعر ماتغير ولا طاح
أما اللي حجمها صغير نفس الفرش
بس بمقاس اصغر
أكثر شي أستخدمها للكونتور ..وخصوصا إذا بحدد وجهي
وأبي أحدد بشكل نظيف ومرتب
لتصوير أو مناسبة وغيره ..
مو ضروري تكون عندك هالمجموعة
كثير ناس أعرفهم وخبراء تجميل عالمين
يوزعون مكياجهم بيدهم
ويفضلون الفرش لمكياج العيون
وفيه العكس يهمتون بفرش الوجهه
أنا عن نفسي جربت فرش سيقما من قبل
وشدتني هذي المجموعة
ما أخفي عليكم شلون المكياج يطلع بشكل نظيف ومرتب
وخصوصا إذا حافظتي على نظافة الفرش
وأكيد نظافة بشرتك قبل
تجربة وحبيت أشاركم فيها
أتمنى أن الموضوع نال على أعجابكم وأستفدتوا
وأكيد إذا فيه أي استفسار
عن الفرش وغيرها ياريت تقولون لي
وصل الله وبارك ..
0 comments:
Post a Comment