مفضلات سنة ٢٠١٤ .. منتجات عناية ومكياج !

بسم الله والحمدلله 

موضوع اليوم شامل جميع مانزل بالانستقرام من مفضلات ٢٠١٤

من منتجات شعر الى كريمات بشرة وأكيد المكياج!! 

أتمنى اللي جربت وحده من المنتجات هذي 

تشاركنا تجربتها هنا بالتعليقات أو بحسابي بالانستقرام 

أول شي ببدأ في أظلال توفيسد 

رهيبة بشكل نفس اللون بالعلبة لما تأخذينه بالفرشة يطلع معك نفس اللون 

ولما تحطينه بالجفن يطلع زي ماهو بالعلبة بشكل وافر 

وبدون حتى برايمر ..ويقعد اللون على الجفن أطول وقت ممكن 

عموما ماركة توفيسد صارت من المفضلات عندي وان شاءالله أجرب منتجات ثانية من عندهم 

طبعا العلبة فيها 6 ألوان اي شدو و3 بلاشرز 

.

. 

ثاني منتج 

كريم أساس الديور (ستار) والكونسيلر (ديور سكين ستار) 

هذا الاساس خذا شهرة وسمعة كبيرة ومافيه أحد ماجربه الا ومدحه 

وفعلا يستاهل كل الضجة اللي صارت طبيعي وتغطيته من وسط الا كامله 

والكونسيلر جدا جميل أبدا مو ناشف اوينشف وبلعكس خفيف على البشرة ويغطي العيوب بشكل جميل 

و يعطي ترطيب خفيف 

الى الان هو الاساس اللي حبيته بعد ماكنت استخدم ماك وميك اب فور ايفر بس بعد ديور ستار صار من المفضلات 

.

.

المنتج الثالث 

 شانيل سبق وتكلمت عنه في موضوع الكونتور والهاي لايت 

جميل وطبيعي في دمج الكونتور ولو احطه بالحاله يعطي مظهر طبيعي ولمسه جميلة 

البلشر الثاني واللي ابهرني فعلا من (اور غلاس) 

هذا البلشر اللي يحبون الهاي لايت راح يعجبهم واللي يحبون يحطون بلشر ويطلع بشكل طبيعي 

شوفو شكله بالعلبة ترا مايحمس جد !! بس لما استخدمته طلعت نتائج جميلة.

بس فعلا يستاهل كل ريال اندفع فيه جميل جدا 

.

.

المنتج الرابع 

اللي ماجربت أرواج برجوا (فيلفيت ) لازم تجربها 

من الارواج اللي خذت ضجة وسمعة كبيرة وفعلا تستاهل هذا كله 

جميلة وثابته واللون زي ماهو يطلع 

وأحلى الالون صراحة الاحمر ودرجاته جدا أحب هذا اللون العنابي والاحمر 

وفيه البيبي بينك والبيج حبيتها بعد 

.

.

المنتج الخامس 

بما اننا نتكلم عن الارواج المات ارواج التنت بالذات أحبها 

وتطلع اللون زي ماهو بالعلبة بالضبط 

فاسيفورا طلعت بارواج تقريبا نفس نظام برجوا (فيلفيت) 

وطبعا لما جيت اشتريها قلت بجرب الاحمر 

ولونه جميل جميل جدا تقريبا نفس (روبي وو من ماك ) ومات بعد 

الاندر تون للروج الاحمر على اورنج فطالع لون ناري رهيب !! 

والقلوس الثاني برضو من برجوا على عنابي بنفسجي مدري الالوان بالصورة مو بينه كثير 

هو قلوس بس ينفع تحطينه لحاله لان لونه باين او تحطين روج عنابي وتحطينه فوق يعزز اللون أكثر  !!

.

.

المنتج السادس 

اللي فوق من ميك اب فور ايفر محدد شفايف بيج اسمه C2 آكوا ليب 

اللي تحب الارواج النود والبيج ودرجاته راح يعجبها وينفع تحطينه لحاله لانه شوي كريمي 

ويطلع الشفايف بشكل طبيعي وحلو ..أحب استخدمه في الدوام الصباح 

واللي تحت كحل من توفيسد ..يالله على سواده !!

لان كريمي شمعي فطالع السواد الجميل.. جربت اقلام كحل شمعية من ماركات ثانية 

بس توفيسد مغري ومن جمال سواده ينفع ترسمين عينك من فوق فيه وخلاص  

الان مااقدر استغني عنه ..صار من المفضلات الأوائل عندي 

.

.

ماسكارا ديور البيضاء تعتبر برايمر للرموش أحطها قبل لا احط الماسكارا السوداء 

ليه ؟ هي وظيفتها تعزيز الرموش وتكثيفها ..كنت أحسب انها حركات خرابيط 

بس لاجد ترتب وتفرق الرموش وتعطي حماية للرموش صرت ماأستغني عنها 

وأكتشفت شي ثاني بعد 

صراحة أنا مااحب أركب الرموش ..ومسكارا ديور هذي تعطي مظهر كاني مركبة رموش 

طبعا أحطها وأحط فوقها الماسكار السوداء 

والمسكارا الثانية جنبها مسكارا شانيل للتكثيف واللي وراها برجوا 

برجوا اعتبرها البديل الارخص للشانيل 

تقريبا تعطيك نفس النتيجة 

وهذي صوره اوضح لبرجوا ..عموما مسكارات برجوا جميلة وخفيفة على الرموش على عكس الماسكارات الثانية 

.

.

نجي عند البيقمنت اي شدو 

هذا الشدو له قصة كنت داخله ماك ومنزيلين كولكشين جديد 

وفيه لون تقريبا نفس اللون اللي بالصورة وسألت اللي تبيع قالت خلص ..طبيعي ماك الكولكشينز ماتقعد عندهم 

 كنت حاطة سواتس على يدي من اي شدو ماك ..جربته على يدي وطلعت 

بنفس الوقت طلعت من ماك ودخلت صيدلية بوتس لقيت هذي الماركة بوجهي (باري أم) 

صراحة اول مره اشوفها 

وجربت الشدو جنب شدو ماك  في يدي وانصدمت نفس اللون بالضبط !! 

وارخص بكثير من ماك 

وجربته في مكياج العيون ثابت واللون برنوزي 

خلاص ققرت تكون من المفضلات ..حتى على ماك في اي شدو بيقمنت 

.

.

على طاري ماك وبدائل ماك 

هذي من البدائل لبيس ماك قبل الاي شدو ..مثل البوينت بوت وجماعته !!

 تستخدم قبل الظل واللون يكون واضح من سيقما 

تجي العلبة فيها ثلاث الوان  ..والوانها مغريه وجميييلة ولو احطها لحالها برضو حلوه تصير اي شدو كريمي 

وسعر الثلاثة سعر الواحد من ماك ويمكن أقل بعد 

مفروض حقاتي تصير ٦ بس فيه واحد ضايع ..مو مشكلة المهم انها جميلة 

كثير بلوقرز تكلموا فيها ..وتستاهل كل المدح صراحة 

.

.

ماأحب الاظلال اللي بالحالها تجي ..بس بعدين شفت ان بالعكس احيانا تشترين علبه فيها ١٢ لون 

وبالاخير ماتستخدمين الا ٢ 

وأظلال ريفلون اللي فوق اللي هي الازرق والرمادي جميلة والفينش حقها بيقمنت فيها لمعه خفيفة 

تكلمت عنها في بوست بالانستقرام 

واللي تحت الدوائر من ميك اب فور ايفر عنابي وذهبي بس الذهبي لونه غير الصوره 

لما احطها يطلع على الفضي البرونزي جميل جدا 

.

.

نجي عند منتجات العناية 

أول شي ببدأ في بيس الوجهة من (إيست لودر) 

هو بيس وواقي من شمس بنسبة ويرطب البشرة وأحطه الصباح 

وظيفته يعزز الكولاجين الطبيعي بالبشرة يعني ينشط ويعطي حيوية وإشراقة للبشرة جدا ممتاز 

إذا تبين تحطين الصباح كريم وتستغني عن المكياج 

أنصح فيه صراحة 

وطبعا في بالخيار ونكهات ثانية وكل نكهة تشتغل على شي انا اخذت اللي برمان 

والمنتج الثاني 

من ذا فيس شوب المحل الكوري الجميل 

والمنتجات فيه تفتح النفس ورهيبة 

أخذت بيبي كريم 

اللي حبيته خفيف على البشرة ويغطي العيوب ويطول أطول وقت ممكن 

وماتحسين أنه يتأكسد أو يروح بسرعة 

ومنتجات (سكين 79)

اللي على اليمن قناع للوجة للبشرة الدهنية ينظف تنظيف يشيل الدهن الزائد وتحسين بشرتك فريش 

وتتنفس وريحته جميلة 

وشريت بعد من نفس الماركة ..موسترايزر جيل أو كريم ترطيب معالج 

هذا الكريم جدا رهيب يعطي البشرة نضارة من أول استخدام 

لما أحس وجهي تعبان أحطه قبل النوم وبالصباح يعطي نضارة جميل جدا 

مايخبي العيوب أو يشتغل على إخفائها اللي حسيته واللي طلع معي النضارة وان البشرة نظيفة 

منظف العين من ميك اب فور ايفر 

كنت اجرب ارواج واظلال على يدي كثير ..واللي تشتغل بميك اب فور ايفر حطتلي نقطة منه على يدي 

وشال كل شيء بالضبط حبيته مره ..ماكنت ناوية اشتريه لان مااحب منظفات المكياج الكريمية واللي

 لازم استخدم قطن وحوسة ..بس غيرت نظرتي بعد مااستخدمت هذا المنظف من ميك اب فور ايفر 

وفيه بعد منظف زيت ..بس منظف الزيت للوجهة ماتقدرين تشيلن فيه مكياج العين  

أخيرا منتجات الشعر ..

من لاكمي ..اللي على اليمين بخاخ للشعر بعد الحمام لما يكون الشعر رطب 

ينعم ويفك تشبيكات الشعر جدا جدا رهيب وحجمه كبيرة وخصوصا للي شعرهم مصبوغ يعزز اللون 

وبعد استخدم السيرم او الزيت برضو من لاكمي 

جدا رهيبيبن مع بعض ..خلصوا وبرجع اشتريها 

حتى ريحتهم جميلة 

.

.

الحمدلله في منتجات كثير جربتها ..لكن هذي اكثر شي حبيته وفضلته 

وحبيت اشارككم هذي التجارب 

ومثل ماقلت أتمنى اللي جربت من هذي المنتجات تكتب أنطباعها وتشارك برأيها !! 

هذا وصل الله وبارك  

4 comments مكياج