أشياء لازم تسألين عنها قبل تشترين ( واقي الشمس + كريم الأساس )

*

بسم الله والحمدلله 

سلسلة (أشياء لازم تسألين عنها قبل تشترين)

راح ابدأها بهالموضوع الSPF  

..

اليوم بتكلم لكم عن شي لازم تسألين عنه قبل لا تشترين واقي شمس او كريم أساس 

اللي هو ال SPF 

وهي إختصار لكلمة 

Sun Protection Factor

 ومعناه واقي الشمس ..او الحماية من الشمس والأشعة الفوق بنفسجية

وغالبا جنب هالكلمة يكون في رقم اما 15 او30 او50

وأحيانا 20 

وهذي الأرقام تعطيك نسبة الSPF او الواقي الموجود بالمنتج 

وهذي الكلمة SPF وبعدها رقم 

 من رقم الأس بي أف 

بيحدد لك مقدار الحماية

إذا كان 

• SPF 15 يمنع مقدار 93% من أشعة ال UVB

• SPF 30 يمنع مقدار 97% من أشعة ال UVB

• SPF 50 يمنع مقدار 98% من أشعة ال UVB

• SPF 100 يمنع مقدار 99%من أشعة ال UVB

• لايوجد واقي يحميك من الشمس بنسبة 100%! 

ومثل ماهو موضح بالصورة أكثر

وهذي الصورة تشرح لك من اليسار لو ماحطيتي واقي شمس 

وبالوسط الأس بي أف 15 وآخر شي على اليمين الأس بي أف 30 

والنقط الحمراء مدى الحماية وتغطيتها على البشرة 

ماهي أشعة UVB و UVA 

هي أشعة فوق البنفسجية نوعين ..وأضرارها على البشرة كثيرة ومن أضرارها 

سرطان الجلد ..الله يبعده عنا ويشفي ويعافي مرضى المسلمين منه 

وشيخوخة البشرة المبكرة 

وهذي صورة بسيطة تبين مدى تأثير هالاشعتين على البشرة 

عشان كذا طلعوا الواقي ومنتجات الحماية من الشمس والاشعة الفوق البنفسجية 

لازم لازم تكون موجودة في منتجات كريم الأساس و الواقي 

اذا مو موجودة اعرفي ان المنتج "أي كلام" والحماية من الشمس فيه مو شي أساسي 

إذا ماعرفتي او مالقيتي الكلمة بالمنتج ..اسألي قبل لا تشترين 

حتى البيبي والسيسي كريم فيها آس بي أف 

وبعض الأرواج والمرطبات 

تتراوح نسبة الأس بي أف في كريمات الأساس من 15-30 

 وكل مازاد رقم الاس بي أف زاد الدهن في الوجهة واللمعة مثلا كريم أساس فيه الأس بي أف 50

وفيه بعض البنات تتضايق من هذا الشي وتقوم كل مره تغير كريم الأساس وتجهل 

نسبة الأس بي أف في كريم الاساس اللي تستخدمه وتواجهه نفس المشكلة 

خصوصا إذا كانت تستخدمه للمساء راح يعطي مظهر دهني 

وهو المفروض تستخدمه للنهار 

وفيه البعض يفضل المظهر المطفي بكريم الاساس او المات وغالبا يكون 

نسبة الأس بي أف فيه تتراوح بين 15-20 

 مثل كريمات الاساس من ماك وبوبي براون 

الموضوع هالمره مليان ارقام 

أتمنى وصلت المعلومة واستفدتوا ..مثل ما أستفدت وانا اقرأ المعلومات 

أي سؤال أو معلومة إضافية عن الموضوع اكتبوها لي بالتعليقات 

أو على حسابي بالانستقرام 

Goldenlady995

القادم أجمل بإذن الله  

هذا وصل الله وَبارك 

Leave a Comment مكياج