مراجعة قناع (كوين هيلين ) للبشرة الدهنية ولتخفيف من حبوب الشباب - Review Queen Helene Mask

بسم الله والحمدلله 

في إنستقرام كل أسبوع أكتب مراجعة عن منتج معين في هاشتاق #مراجعةـ منتج ـ الأسبوع 

لكن هالمره قررت أكتب هنا بالمدونة 

الموضوع للأشخاص اللي يعانون من حب الشباب أو أثار حب الشباب 

منتج اليوم قناع Queen Helene (كوين هيلين)

قناع كوين هيلين 

 ماركة أمريكية وتعتبر رخيصة مقارنة بالماركات الثانية 

أول شي ملفت بالماسك حجمه كبير 

وحمسني أكثر أنه للبشرة الدهنية ولإثار حب الشباب 

والأهم من هذا أنه بالنعناع !! 

وأنا أي شي يتعلق بالنعناع ومشتقاته أتحمس له أحس نظافة وفريش 

بالفعل ريحته نعناع خااالص 

وإحساس منعش من أول ماأحطه على بشرتي 

من أستخدامي كنت أتوقع : 

يخفف مظهر البقع وأثار الحبوب 

وينشف الحبوب 

لكن اللي لامسته أنه خفف من مظهر المسام وينشف الحبة بشكل خفيف

يعني أبداً مو معالج أو يخفي المشاكل اللي بالبشرة

اللي لاحظته يهدي وينظف وينعش البشرة 

ينفع تستخدمينه مرتين إلى ثلاث مرات بالإسبوع لانه خفيف ويشد البشرة على خفيف 

اللي تبي ماسك إقتصادي 

ويريح وينظف البشرة بشكل متوسط وبشكل مؤقت 

من الأخر هذا الماسك للدلع .. واللي تحب (ريحة النعناع) 

طبعاً في كثير أفضل ..وماسكات تعالج 

لكن ( كوين هيلين ) للمستعجلين ..وأفضل أستخدمه قبل المكياج 

إذا كانت بشرتك تعبانه 

أنا بشرتي نوعاً ما دهنية في مناطق وجافة في مناطق 

أول ماحطيته يلسع ويحرق شوي لكن هذا طبيعي ..هذا معناه ان الماسك إستجاب مع مشكلة في بشرتك 

والبنات اللي بشراتهم حساسة أو تحسس من المنتجات الجديدة 

هذا ممكن مايناسبهم 

وأكيد اللي جربت هذا الماسك تذكر تجربتها في التعليق هنا 

أو بالانستقرام @GoldenLady995 

هذا وصل الله وبارك 

5 comments عناية, مراجعات