بسم الله والحمدلله
قبل فترة تكلمت بالسنابي @GL.995
عن الصبغات وأنواعها وكيف تحافظين على شعرك وقت الصبغة
وسبق وتكلمت عن الموضوع بالمدونة هنا
اللي فاجأني كمية التعليقات والتفاعل يبون موضوع مابعد الصبغة وكيف أهتم بشعري بعد الصبغة
أتوقع كل وحده صابغة شعرها عندها طريقة معينة وروتين معين
لكن اليوم بقولكم عن روتيني
وشعري الحمدلله ماشي تمام ..لكن عندي مشكلة الجفاف وهذا طبيعي لاني أصبغ صبغات فاتحة
وأرجع أغمق وأفتح ... وعلى هالحال وهذي الطريقة تتعب الشعر
لكن مشكلة التقصف وتشابك الشعر ( اللي صابغين هايلايت يفهمون نقطة تشابك الشعر كويس )
هذي حلها بإذن الله بسيط مع المنتجات اللي بذكرها اللحين
وقسمت المنتجات على ثلاث أقسام
ـ البخاخات
ـ السيرم والزيوت
ـ الكريمات
كل هذي المنتجات تتستخدم كلها بعد الشاور لما يكون شعرك رطب
البخاخات
أستخدمها مباشرة بعد الحمام لما يكون شعري رطب
طبعا أستخدم واحد من الثنين اللي على اليمين من لوريال ويلا
واخر واحد على اليسار من تريسمي قبل الاستشوار
فايدتها أنها تساعد في فك التشابك من الشعر
وهذي الفرشة من صيدلية وايتس "ويت برش"
أسنانها بلاستيكية وطويلة ومتباعدة
وهذا الشيء فعلا اللي يساعد في فك التشابك
أول ماطلعت الفرشة ماصدقت هذا الكلام لكن فعلا ساعدت
الكريمات
الكريمات أحطها بعد البخاخ مباشرة على أطراف وجذور الشعر
أي كريم مو شرط اللي بالصورة كلها تقريبا تعطي نفس النتائج من بانتين وصانسيلك وفيه شركات وأنواع ثانية
الشعرات الصغار اللي بمقدمه الشعر " البيبي هير " تخفف من تطايرها
السيرم والزيوت
إذا كان شعري تعبان والتقصف جدا واضح
أستخدم السيرم أو الزيت لإطراف الشعر
السيرم من لاكيمي جدا جميل وخفيف ويعطي لمعة بشعر طبيعية
والزيت من د.أورقانك اللي على اليمين أستخدمه قبل الشاور لانه يدهن بشعر
مع العلم انه مكتوب على العلبة يستخدم والشعر جاف لكن أبدا مانسبني والشعر جاف يعطي منظر دهني
فااستخدمه قبل
فااستخدمه قبل
حمام الزيت ..أو الماسك للشعر
من فاشكول قديم جدا وموجود بكل محلات الكماليات والتجميل ميزته أنه قوي ونتائجة بينه
أستخدمه مره لمرتين في الأسبوع
طريقتي أبلل شعري بمويه وأحط حمام الزيت
وأبلل منشفة شعر صغيرة بمويه دافية
وألف شعري لمدة مابين ١٥ـ ٣٠ دقيقة
بعدين أغسلة
**
المنتجات اللي ذكرتها
بعض الاوقات أحط بخاخ وكريم
وبعض الاوقات أحط بخاخ وسيرم .. على حسب جفاف الشعر أو تعبه
لكن عموما بعد مااستخدمها ..تكون فيه حيوية بالشعر وهذا المطلوب
أتمنى أنكم أستفدتوا وأفدتكم
أكتبوا لي روتينكم في العناية بالشعر ..وإذا فيه منتجات معينة تستخدمونها
أتركوا التعليق هنا بالمدونة أو بالإنستقرام @goldenlady995
ترا جداً تسعدني وتهمني أرائكم
وصل الله بارك
