بسم الله والحمدلله
اليوم موضوعي بيكون عن الشعر والصبغات
بنات اللي ماصبغت وحابة تصبغ لأول مره
لازم تحط في بالها ..ان الشعر طبيعته راح تتغير
وفي المقابل لازم الاهتمام وروتين خاص بعد الشاور وقبله
اولاً : ابتعدي عن صبغات اللي مو معروفه وشركاتها مجهولة
والصبغات اللي مليانه (أمونيا) الامونيا مادة تنشف وقوية على بصيلات الشعر كل الصبغات اللي بصيدليات وغيرها
فيها أمونيا بشكل كبير
لوريال وغارنيه يمكن هي الخفيفة على الشعر والامونيا مو كثير فيها
لان الغالب تكون معززه برغوة ومواد طبيعية وبمقابل هذا الصبغة ماتطول
وتنزل ..وفيه صبغات ثانية مثل كولستون قوية وتطول على الشعر ماتنزل لان الامونيا فيها كثير
بس تخرب الشعر وتنشفه واللون يجي قوي
على عكس غارنيه ولوريال
انا ماامدح ولا اذم الصبغات فيه بنات شعرها مايصبغ الا على صبغات معينة
سوا كولستن وغارنيه ولوريال
التجربة خير برهان .. يعني شوفي اللي يرتاح عليها شعرك
والامونيا تكون خفيفة بالصبغة أهم شيء
ثانيا:
أنصحك تزورين وحده متخصصة بمراكز تجميل او الصالونات المعروفة
تعرف وش يناسبك من الصبغات ..
او أنتي اكتشفي بنفسك وهذا اللي اسويه صراحة وأفضله
التجربة التجربة اذا عرفتي لشعرك خلاص لاتحتاجين لا خبيرة ولا غيره
جربي الصبغات في صالونات مختلفة شوفي اللي يريحك تعاملهم وصبغاتهم
شعرك ارتاح مع الصبغة ولالا.. معليش الموضوع يحتاج طوله بال شوي
ثالثا:
انتبهي تروحين تصبغين في مشغل وتقولين لها مثلا (ابي صبغة رمادي )
لان فيه درجات كثير رمادي ومختلفة من مشغل لمشغل
وبتصبغك وبتطلع نتيجة بالحظ ياتعجبك يالا
عشان تفادين الأغلاط وتكونين راضية عن النتائج
جمعي اكبر عدد من الصور وريها اللي تصبغك مثلا تبين بني جيبي صور لدرجات البني
عشان تفهم بالضبط أنتي وش تبين وأنتي تكونين مرتاحة وهي تصبغك .
او اذا مو معك صور خليها توريك عينه في كتالوج كيف اللون راح يطلع عليك
رابعا:
الصالونات اللي فيها منتجات لوريال وصبغات لوريال
قربي منها ..او اسألي عن نوع صبغاتهم
غالبا تكون خاليه من الامونيا ومريحه للشعر ماتغيره وماتعبه
خامسا:
لما تصبغين وتخلصين
اهتمي اهتمي بشعرك بعناية وابتعدي عن الزيوت الطبيعية لانها يابتنزل الصبغة يابيقلب اللون اورنج
استخدمي سيرم خاص اللي هو زيت للشعر المصبوغ وفيه برضو من لوريال وشركات ثانيه
وقبل الاستشوار او الفير وغيرها ..استخدمي منتجات الحماية من الحرارة
وسويلك جلسات حمام زيت في البيت قبل الشاور مرتين في الأسبوع
عشان الشعر مايفقد حيويته .
.
وصل الله وبارك
0 comments:
Post a Comment