كيف أرتب حواجبي ؟!
بسم الله والحمدلله
موضوع اليوم شاغل بال الكثيير من البنات
ويحسون رسم الحواجب أو ترتيبها شي صعب
والحواجب لها دور كبير ومهم بشكل الوجه خاصة والمظهر عامه
بعيد عن التشقير والالوان اللي يسويها التشقير بعد مايروح
وتعالي كل شهر سوي ومره يضبط
ومره مايضبط ..
تقدرين تضبطين حواجبك بدون كل هذا
المكياج (ماخلا شيء) أنتم ركزوا شوي وخذوا وقتكم وأنتم تسون الحواجب
وبإذن الله بيصير شي سهل ..
اول شي إذا تبين رسم حواجبك بشكل يومي وعملي
استخدمي قلم للحواجب يكون افتح او أغمق من لون شعرك حسب أنتي وش تبين
بس الأفضل يكون افتح ...وابتعدي كل البعد عن قلم الحواجب الأسود
حتى لو كان شعرك اسود !! ..ليه؟!
لان بيعطيك مظهر حاد وجدي وسيء
استخدمي درجات البني دائم للحواجبك بني غامق او فاتح
تخيلو معي هذا شكل الحواجب قبل مانرسمها حاولت بقد مااقدر اقرب الفكرة
وأبداي برسم من زاوية الحواجب وعبي الفراغ اذا موجود حاولي ماتطولين الخط
اتجهي للإمام من عند الأنف بشكل خفيف
استخدمي بودره للحواجب او اي شادو ظل بني عند مقدمة الحاجب وابدأي مشطي الحاجب لفوق
او بفرشة القلم مشي على كامل الحاجب بحيث اللي رسمتيه بالقلم يتجانس
ومقدمة الحاجب ارسمي خطوط خفيفة بس تعبي فراغ
انتبهي ترسمين اول حواجبك وتسكرينها برسمه مربعه
احنا هدفنا "الحواجب تكون طبيعبة"
وبكذا أنتهيتي .. هذا بالنسبة لليومي
بالنسبة لي استخدم فقط القلم واعبئ الفراغات وأمشط الحاجب
اما إذا عندك مناسبة وبتحطين مكياج ثقيل
استخدمي الكونسيلر او خافي العيوب لتحديد الحاجب من تحت وبالضبط من عند الزاوية
مثل كذا على الزاوية
إذا كان عندك قلم او محدد بيج تقدرين تمشينه على الشعر الخفيف اللي تحت الحاجب او فوق وبيختفي
مثل هالصورة ..هنا استخدمت كحل بيج
وترجعين تسوين الطريقة اللي ذكرت فوق اللي بقلم الحواجب
في بعض البنات حواجبها خفيفة أو مالها لون هنا تقدر تمشط حاجبها لفوق
وترجع ترتبها بماسكارا الحواجب وبعدين تمشي بالبودرة بشكل خفيف من اول الحاجب لااخره
عشان تطفي لمعه الماسكارا ويكون شكلها طبيعي اكثر
الماسكارا في منها نوعين
نوع شفاف أو الجيل ماسكارا "gel mascara" :يعني بدون لون هذي لترتيب وغالبا تكون للمسه الاخيرة عشان تثبت او بعض البنات عندهم شعر الحاجب نفسه يكون معكوس او معكوف هذي الماسكارات ترتبه
ونوع الملونة : اللي منها ألوان مختلفة هذي ميزتها للي تصبغ شعرها وماتبي تصبغ حاجبها
تستخدم الماسكارا الملونة بس نصيحة مو بشكل يومي أفضل تكون للمناسبات او غيرة عشان الحواجب ما تطيح وتتأذى
مثل اللي بصوره عندي
في أدوات كثير اخترعتها وطلعتها شركات المكياج وكل يوم نكتشف شي جديد
الجل ..والماسكارات ..الأقلام ..والبودرة
لو ما عندك ولا وحده من هذي استبدليها بالإظلال علبة الآي شدو عندك
لكن تجنبي الإظلال اللي فيها لمعه واستخدمي المطفيه منها
ونصيحة ..نصيحة بنات
كثير اشوفهم يرسمون الحاجب بقلم (فلوماستر) ايه فلوماستر خطاط او على شكيلته
ويطلع شكل الحاجب بارز وغريب وأبدا مو طبيعي
حطي ببالك كل ما كان شكل الحواجب طبيعي كل ماكان أفضل
وحتى لو استخدمتي قلم للحواجب عادي بني او غيره حاولي بس تعبين الفراغات الموجودة
وماتمشين على الحواجب كاملة ..حتى تحافظين على الشكل الطبيعي
مثال
ماعندك قلم بني استخدمي كحل عين بني
هنا قلم حواجب من ريميل والبيج كحل عين
هذا كحل من ريفليون شمعي استخدمه بعض الاحيان لحواجبي كبديل لقلم الحواجب
ماعندك قلم كونسيلر استخدمي كحل بيج مثل اللي فوق
او قلم كونسيلر مثل هذا معه كونسيلر كريمي من هارد اند كاندي للشعر الخفيف اللي حول الحواجب
وهذا الكونسلر الكريمي للتنظيف تحت الحاجب
هذا وصل الله وبارك ..
ان شاءالله المعلومة وصلت وشرحي كان واضح =)
0 comments:
Post a Comment