بسم الله والحمدلله
..
قبل تشترين كريم الاساس لازم تعرفين
نوع بشرتك ..وعليها تختارين اللي يناسبك من الاساس
بشرتك دهنية
بشرتك مختلطة (دهنية + جافة)
بشرتك جافة
بشرتك عادية
بشرتك حساسة
وفيه اختبار بسيط سويه بالبيت ومنه بتعرفين نوعيه بشرتك
اللي هو غسلي وجهك بالماء واتركيه لمده ساعه
بعدين حطي منديل على وجهك وإضغطي على الجبين والخدود والأنف والذقن
بعدين شيلي المنديل
وشوفي أثار الدهن على المنديل
-إذا لقيتي الدهن موجود على كل المناطق اللي ذكرناها معناته بشرتك دهنية
- إذا كان الدهن موجود على ثلاث أو منطقتين مثلا بالجبين والذقن فبشرتك مختلطة
-إذا ما لاحظتي إي أثر للدهن فبشرتك عادية
- إذا ما لاحظتي أثر للدهن على المنديل ولاحظتي بعض الجفاف على بشرتك فبشرتك جافة
- بشرتك حساسة إذا دايم تشوفين إحمرار
هنا اللون الازرق يمثل الدهن بالبشرة
اللحين نبدأ بكريم الأساس وأنواعه
وبحاول بقد مااقدر اختصر الموضوع وأعطيكم المهم منه
كريمات الأساس تصنف إلى ثلاث أنواع
~ لايت (خفيف)
~وميديم (وسط)
~ فل ( ثقيل أو تغطية كاملة)
كريم الاساس اللايت (الخفيف) للاستخدام اليومي ..
مثل ماكس فاكتر ..برجوا ..ميبيلين عموما اللي تباع في الدراق ستور زي سنتر بوينت او أتش أند ام
تكون تغطيتها خفيفة وتنفع للصباح والمساء اللي مايحبون التغطية الثقيلة او ميك أب بشكل عام
وغالبا سعرها يكون في متناول الجميع وتنافس ماركات عالمية
وأفضل منها (برجوا و لوريال ) لان أنواع برجوا و لوريال كثيرة و اقدر أتحكم بالتغطية
كريم الاساس الميديم ( تغطيته وسط)
يعني ينفع للاستخدام اللي يوم ورا يوم للطلعات الخفيفة
نادر تستخدمين خافي العيوب إذا بشرتك ماتحتاج أو مافيها عيوب مثل البثور و الهالات السوداء
مثل ماك ..ميك أب فور ايفر ..
بالنسبة لي جربت ميك أب فور ايفر أتش دي تغطيته تميل لمتوسطه إلى الكاملة ورهيب للمناسبات
كريم الاساس الفل أو الفل كفر ( التغطية الكاملة)
غالبا تكون الماركات العالمية مثل شانيل و ديور و دولتشي أند غابانا و إستي لودر ولانكوم وغيرها ..
تغطيتها فل كفر ..يعني شلون فل كفر يعني تغطية ثقيلة وبعض الماركات تكون كريمات الاساس فيها كونسيلر خافي عيوب .. من كثر ماهي تغطي وتعطي مظهر نضر
أبدا ماتنفع للاستخدام اليومي لانها بتعب بشرتك بتفتح لك مسامات والكثير من مشاكل البشرة
فلازم بعد استخدام هذا النوع من كريمات الاساس تنظيف البشرة بعد المكياج وغسلها بغسول البشرة وترطيبها
لكل نوع من كريم الاساس من اللي ذكرتها
بشرة خاصة فيه
يعني غالبا يكون كريم الاساس جيد وتغطيته ميديم لكن مخصص للبشرة الجافة
وأنتي بشرتك مختلطة أو دهنية ومايناسبك ويزيد شكل بشرتك دهن
فاحرصي تعرفين نوع بشرتك وعليها تشترين كريم الاساس
فيه حل سريع !
طيب أنتي شريتي كريم أساس غالي وتغطيته فل كفر
تقدرين تخلينه كريم أساس لايت او تغطيته خفيفة ..شلون؟
من طريقة وضع الاساس توزعينه على بشرتك بشكل خفيفة وطبطبه بالفرشة وتحطين طبقة وحده وما تعيدين عليه
وتوزعين بودرة فوقه إذا كان يعطي شكل دهني
برضو نفس الشي للايت إذا عندك مناسبة وماعندك كريم اساس تغطيته قوية
تسوين العكس انك تحطين كذا طبقة وراح يطلع لك كريم أساس فل كفر
لأفضل النتائج !
اشتري كريم اساس أغمق بدرجة او درجتين من بشرتك أو على حسب اللي يناسبك
عشان تقدرين تتحكمين بالتفتيتح بخافي عيوب فاتح أو بودرة فاتحة
على عكس لما تشترين كريم اساس مره فاتح ولاتقدرين تتحكمين في لونه على بشرتك
هذا وصل الله وبارك
هذا وصل الله وبارك
شكرا
ReplyDeleteالعفو نورتي
Deleteتسلمين جداا
ReplyDelete