مراجعة : أظلال إنستازيا بيفريلي هيلز كوتور باليت + أرتيست باليت | review ABH Couture + artist palettes

بسم الله والحمدلله 

من زمان حابة أتكلم عن أظلال إنستازيا والحمدلله جاء الوقت اللي أتكلم فيه عنها 

إنستازيا بيفيرلي هيلز ماركة أمريكية ويوم عن يوم يطلعون شي جديد وجميل 

وكل شي يطلعونه أثق فيه لان منتجاتهم جودتها عالية جدا 
ومبروك علينا قبل كم يوم جابو منتجاتهم بسيفورا وصارت متوفرة 

هذا البالتين كنت محتارة بينهم 
الأول كوتور باليت couture palette
والثاني أرتيست Artist palette 

أرتيست باليت | Artist palette

ألوانه جريئة وتغير عن الروتين 

طبعا الألوان هذي ماأستخدمها على كامل الجفن 

أستخدم لمسات بسيطة تعطي شكل غريب 

أعرف كثير بنات مايحبون أبد يغامرون بهذي الألوان أبدا أبدا 

لكن نجرب ليش لا ! 

وهذي الألوان طبعا واضحة وصريحة نفسها بالعلبة نفسها على الجفن 

أكثر شي حبيته بهذي العلبة 

Orange Your Fansy = لكسرة العين 

buttery = اللون اللي أنصدمت منه توقعت يقلب رمادي على الجفن لكن جدا جميل 

صرت أستخدمه كهايلايت وبوسط الجفن جميييل جدا جدا "الحب الجديد" 

baby i'm a star = المنقذ إذا كنت مستعجلة وأبي شي رايق اوزعه على كامل الجفن وماسكارا وخلاص ! 

couture palette | كوتور باليت 

رايق جدا وهادي ومره مرتبة ألوانه والبنات اللي يحبون الألوان الطبيعية راح يحبونه 

 إذا سافرت عادي جداً أخذه لحاله 

لان فيه الدرجات المطفية والشيمر وحتى الشيمر رايقة ( واضح لكم أني معجبة فيه ) ؟!

يمكن اللون الشاذ بالباليت هو الازرق والزيتي اللي جاي على الأصفر 

وهذا برضو على الجفن يعطي شكل جميل اللي هو Metallic 

حتى الأزرق اللي هو azure جاي على نافي كحلي 

حسيت هذي العلبة مايلة للشتاء أكثر والأرواج الغامقة 

 أكثر شي حبيته بهذي العلبة 

Morocco = على كامل الجفن 

Fudge = على كسرة الجفن 

bellini +soft peach = بوسط الجفن 

chic + spoiled = فيهم لمعة خفيفة أحب أحطهم بوسط الجفن ومكان الهايلات تعطي شكل جميل ورهيب 

~ 

رأي بالعلبتين كلهم جميلين وصراحة يكملون بعض 

وأغلب الوقت أسوي لوك بالعلبتين 

جميلة وخفيفة وألوانها رهيبة وتغني صراحة عن الأظلال الثانية 

لان من شريتهم وأنا ساحبة على الأظلال عندي ..بس أشتاق وأرجع أستخدمهم 

ثباتهم قوي ويطول بدون برايمر

 وماتخطط معك إذا ماحطيتي على الجفن كونسيلر 

تستاهل التجربة والأستخدام 

سعرها جداً مناسب بالنسبة للبالتيتز الثنين

طلبتهم من متجر @diffrentcolors_ 

أتمنى الموضوع أعجبكم 

شاركوني أرائكم إذا جربتوهم أو إذا حابين تجربونهم 

وإيش أكثر شي حبيتوا 

هنا بالتعليقات أو بالإنستقرام @goldenlady995 

وبس هذا وصل الله وبارك 

3 comments مراجعات, مكياج