بسم الله والحمدلله
.
ماسكات فارم هاوس فريش "Farmhouse fresh" أشهر من نار على علم
وسبب هذي الشهرة عرفت بانها طبيعية وفيها مواد ومعادن
جداً مفيدة للبشرة
ولما شريتها كنت في قمة الحماس أبي أجربها من كثر ماسمعت المدح عليها
وتحمست وطلبت ٣ أنواع
اللي يميزها في أنواع ونكهات مختلفة
1. الشكولاته
2. أفوكادو
3.القرع
*طريقة الاستخدام على بشرة نظيفة أبدائي وزعي بإستخدام الفرشة الفلات برش Flat brush
1. الشكولاتة
الشكولاتة Chocolate :
من أهم مكوناتة الشكولاتة الداكنة اللي ريحتها ولونها واضح بشكل صريح
وإنزيم سي أو كيو١٠ COQ10 enzyme
هذا الانزيم يعرف انه مضاد للإكسدة ويشد البشرة وخصوصا منطقة حول العين
وأغلب المواد اللي فيه طبيعية بنسبة 98%
يوعد المنتج انه يحارب التجاعيد وينعم البشرة
رأيي بالماسك :
أول مااستخدمته حطيت طبقتين كان ثقيل جداً
وتحسست بشرتي لان غسيلة كان صعب
ثاني مره حطيت طبقة وحده خفيفة
بعدها شفت النتائج صح بشرتي صارت مشدودة وصغرت المسام
وإحساس نظافة جميل بس ريحة الشكولاتة مزعجه بس بالنسبة لي مقبولة نوعاً ما
اللي ماتتحمل ريحة الشكولاتة الواضحة هذا المنتج ماراح يعجبها
2.الأفوكادو
الافوكادو Avocado :
يوعد المنتج انه ينعم ويرطب البشرة
وراح تحسون ببرودة واضحة
رأيي بالماسك :
بالفعل أول شي لما حطتيه كان بارد وريحة الافوكادو صريحة جداً
(مع ريحة حلاو أتخيل لو في حلاو أوفوكادو راح يكون نفس الريحة )
يعطي شعور ان البشرة فريش
تقدرون تستخدمونه بعد إزالة المكياج إذا تبون تحسون
إن البشرة نظيفة وخالية من الشوائب وبقايا المكياج
3.القرع
القرع Pumpkin Puree
المنتج مخصص للتصغير المسام
ويورد البشرة وفيه نسبة معادن منشطة وتجدد
رأيي بالماسك:
من بين اللي ذكرتهم الشكولاتة والافوكادو
هذا أكثر واحد حبيته مع أني كنت مترددة بهذي النكهة
خفيف على البشرة وينظف وبشرتي بعد مااحطه مشدودة وفريش
أحب أستخدمه قبل المكياج إذا بشرتي تحتاج شي ينعشها
وعشان المكياج يكون مرتب
الريحة حلاو قرع ( صراحة ماعرفت كيف أوصف بس شيء مثل الحلاو)
واضح وصريح
الخلاصة
ماسكات فارم هاوس فريش تصلح للبشرات الدهنية واللي تستخدم المكياج بكثرة
عشان تنظف وتشيل الشوائب
وبالنسبة لي كلها تنظف وتشد
بس الاختلاف المكونات والنكهات وحسب أنتي ايش تبين لبشرتك
ولو فكرتي تشترين.. واحد كفاية عشان تشوفين نتائج حلوه
*ماتنفع للي بشراتهم حساسة + جافة
لانها قوية وصريحة وتنشف بسرعة في خلال ٥ دقائق بالكثير
أنصح بالشراء ؟
إذا أنتي مهتمة بالمنتجات اللي أغلب مكوناتها طبيعية
وموضوع ريحة المنتج ماتفرق معك أهم شي النتائج
توكلي على الله وأشتري
لان في بدائل كثيرة وأرخص وأحلى وتعطي نفس النتائج
لكن مثل ماذكرت
اللي يميز فارم هاوس فريش أنها تحرص على موضوع الطبيعة ومستخلصاتها
من وين أقدر أطلبها ؟
في حسابات كثيره بالانستقرام توفرها لكن
أخذتها من هنا @_differentcolour
.
.
.
دائم القى مواضيع الماسكات تشدكم
أتمنى الموضوع أعجبكم
أتركوا لي تعليقاتكم هنا أو بالانستقرام @goldenlady995
هذا وصل الله وبارك
