في ٣ خطوات كيف تختارين البرونز المناسب للصيف

بسم الله والحمدلله 

كثير بنات يحتارون بختيار البرونز المناسب لبشراتهم 

موضوع اليوم بسيط جداً " كيف تختارين البرونز المناسب للصيف " 

أنواع كثيرة حاولت أني أبسط عشان الاختيار يكون أسهل لك 

أولاً : البرونز المطفي 

يكون خالي من اللمعة وناعم على البشرة وظيفته انه يدفي الوجهه 

أو إذا كان كريم الأساس فاتح تقدرين تتحكمين بلونه مع البرونز 

برضو تقدرين تسخدمينها في أماكن الكونتور  

* نصيحة البرونز المطفي : إذا كنتي راح تستخدمينه برونز وتسبحين في مسبح  أفضل شي عشان يثبت تحطين كونتور كريمي وتحطين فوقه برونز مطفي بإذن الله راح يضل معك فترة 

ثانياً: البرونز باللمعة أو (الشيمري) 

هذا أجمل برونز للفصل الصيف ويعطي لمعة حلوة وحيوية بالبشرة 

لكن ضروري تعرفين تستخدمين وتختارين الدرجة المناسبة لبشرتك 

 غالباً اللي درجاتهم فاتحة يستخدمون اللي على وردي 

واللي غامقة يستخدمون اللي على أورنج 

وممكن يكون العكس حسب لون بشرتك 

*نصيحة البرونز باللمعة : إذا أستخدمتي هذا النوع بالذات حاولي ماتكثرين هاي لايت أو إضاءة بالوجهة 

والأفضل تبتعدين عنها حتى مايكون المظهر مبالغ فيه .

ثالثاً : الأضاءة أو (الهاي لايت ) 

بكل أنواعها اللي تكون بلمعة أو مطفية تعطي شكل جميل ولطيف على البشرة 

وأفضل أستخدام لها يكون مع البرونز مطفي حتى تعطي جمال 

والشكل المطلوب 

* نصيحة الأضاءة : 

اللي بشرتها فيها مسام تستخدم الاضاءة الخالية من اللمعة أو تكون فيها لمعة بسيطة 

وتوزعها في منطقة أعلى عظمة الخد بفرشة خفيفة وصغيرة 

حتى ماتبين المسامات وضروري استخدام البرايمر للمسام حتى يثبت ويعطي شكل مرتب 

برضو هذي النصيحة تنطبق على البرونز باللمعة  للبشرات اللي فيها مسام 

هذا وصل الله وبارك 

أتمنى الموضوع أفادكم لاتنسون تشاركوني بأفضل نوع برونز عندكم 

بتعليقات هنا أو بالانستقرام @goldenlady995 

1 comment عناية, مكياج