بسم الله والحمدلله
موضوع اليوم تجربتي مع قفاز سيقما 2x sigma spa glove
أول كنت أغسل الفرش على يدي كانت فرشي معقولة !
لكن بعد مازادت صارت يدي تنشف
فعشان الوقت وعشان أحافظ على يدي قررت أشتري القفاز
وكان جدا أسهل غسيل الفرش
أتركم الأن مع تجربتي بالصور
هذي الفرش قبل
وهالمره أضفت معقم ديتول عشان أتأكد من نظافة الفرش
هنا بللت القفاز بشوي موية
وحطيت شوي من معقم ديتول شي بسيط
وشامبو الأطفال جونسون
وبحركة دائرية في وسط القفاز اللي هو مكان التنظيف
وبأعلى القفاز مثل ماهو بالصورة
هذا المكان أمرر فيه الفرشة عشان أتاكد ان الشامبو وأثار المكياج نظف تماما
وهذي الجهة من القفاز المفضلة عندي وانبسطت عليها
أحط الفرشة وأبدا أضغط وكل الموية تطلع
هذي الخطوة الأخيرة تقريبا
هذي الجهة اللي دوائر السيلكون فيها صغيرة بالوسط
مخصصة لفرش العين أو الفرش الصغيرة
وعلى أطراف القفاز دوائر أصغر عشان تنظيف أعمق بالصابون أو الشامبو
هذي الجهة مثل ماأنتوا شايفين دوائر السيليكون بالوسط أكبر
مخصصة لفرش الوجهة أو الفرش الكبيرة
أكثر شي حبيته داخل القفاز في زي الفوطة ناعمة تحمي اليد 3>
أنصح وبقوة بهذا القفاز الجميل
وللناس الموسوسين نظافة مثلي .. وحابين يتأكدون من نظافة فرشهم
هذا كان موضوعي لليوم
ان شاءالله أستفدتوا
اللي عندها نفس هذا القفاز أو أي شيء ثاني يخص تنظيف الفرش بشكل أسهل
ياريت تشاركنا فيه بالتعليقات هنا أو بالإنستقرام =)
.
.
هذا وصل الله وبارك
عجيب القفاز ♥♥♥♥
ReplyDeleteبعد أنا عجبني قطعه تنحط على المغسله وتنظفين الفرش فيها أحس تنفع للي عندها فرش كثيره =) .
تشكرات على التقرير الجميل .. ♥
.
Delete.
فعلا حبيتها أول ماشفتها أحسها عملية ..
الله يسعدك ان شاءالله أفدتك .. شكرا لك من القلب 3>
حبيت انك تستخدمي ديتول مع الشامبو يضمن نظافة اكثر ,
ReplyDeleteجمييل القفاز و القطعة اللي داخله حبيت فكرتها جدااا ,
نايس بوست <3
.
Delete.
فعلا أكثر شي أحرص على نظافته الفرش ..وماأستغني أبدا عن الديتول في أي شي =)
شكرا لمشاركتك ياجميلة ..الله يسعدك !!