السلام عليكم ورحمة الله وبركاتة
كيف حالكم جميعا ؟!
الفرشة اذا ضمنتي نظافتها راح تضمنين مكياج جميل ومرتب وبدون مشاكل بشرة
اول شي الفرش ماتقعد اكثر من شهر او شهرين بدون تنظيف بالنسبة لي
بس هالمره طولت ومانظفتها لدرجة انها ماعاد تلقط البلشر او الشدو
فااضطريت أني أنظفها اليوم قبل بكره ولا بتسبب لي مشاكل بشرة مالها نهاية
وطبعا استخدمت
منظف ماك الجميل وشامبو جونسون لادموع بعد اليوم ... أقولكم اللحين شلون استخدمتها
اول شي تحتاجين
-قطن
و-المنظف او تقدرين تستبدلينه
- بشامبو جونسون للأطفال او اي صابون سائل خفيف ويا حبذا شامبو اطفال عشان اخف شي
و-فوطة (منشفة)
بس انا لاني طولت مانظفت الفرش استخدمت المنظف والشامبو عشان أتأكد ان كل شي تمام ونظيف !!!
ولا عادي يمديك تستخدمين المنظف كاتنظيف يومي والشامبو شهريا لتنظيف ..ادري قلق وبعض الناس تتكيسل
اول شي حطيت الفرش اللي استخدمها يوميا واللي حسيتها تحتاج تنظيف
وحطيت شي بسيط من منظف الفرش في قطنة وبديت أفرك الفرشة بالقطنة لين ماطلع لي لون الظل او البلشر والفرشة تغير لونها وصارت تلق !!
وبديت اكرر هالطريقة على كل الفرش
وبعدين خليتها تأخذ شاور تحت الموية
وطبعا انا ماسكه الفرشة بيد واليد الثانية
فيها شامبو الأطفال واحرك الفرشة بحركة دائرية على الشامبو لين ما تطلع الرغوة بعدين أغسلها تحت الموية وبعدين اضغطها ضغطات خفيفة اعصر الموية منها
وأتركها تجف على المنشفة
بهذا الشكل بحيث ان الموية تنزل على الفوطة تنشف تماماً ًًولاتقعد الموية بالفرشة
هي مفروض تنشف تماما بعد اربع الى خمس ساعات بس انا خليتها يوم كامل على راحتها تنشف وكل شوي اشيك
لازم تحطين في باللك اذا بتنظفين الفرش لازم تنظفينها قبل أي مناسبة او طلعة وممنوع تنظفينها وتستخدمينها في نفس اليوم لانها بتكون رطبة وتجمع لك البكتيريا فلازم تتركينا تنشف تماماً
وصل الله وَبَارِكْ
0 comments:
Post a Comment