أفضل أربع ماسكارات جربتها!

كثير انواع الماسكارات بالسوق 

اللي تكتل واللي تلصق الرموش واللي تكثف الرموش واللي كانك ماحطيتي ماسكارا هذي عاد حالتها حالة 

اليوم بتكلم عن أفضل 4 ماسكارات استخدمها ولا اقدر استغني عنها او ابدلها 

المرتبة الرابعة: 

ماسكارا من ريميل لندن اسمها 

ماكس فوليوم فلاش

The Max Volume Flash

أحلى ماسكارا رخيصة او من الدراق ستور 

وتصلح للصباح والمساء 

ومو من المسكارات اللي بصعوبة تروح وثقيلة دم سهلة التنظيف وخفيفة وتجنن 

وسوادها مره حلو وتعطي كثافة للرمش اللي تشبك الرموش مع بعض بس بشكل طبيعي وبدون تكتل 

- سعرها مناسب 

-سوادها واضح وتعطي كثافة 

-تنثر سواد خفيف على الخد بس بعد تقريبا ٨ او ٩ ساعات يعني بعد وقت طويل 

المرتبة الثالثة :

ماسكارا برجوا 

اسمها تويست أب ذا فوليوم ماسكارا

Twist Up The Volume Mascara

رهييييبة واستخدمها استخدام يومي كأني مركبة رموش صغيره واللي حبيته فيها أغسل وجهي.. اتوضأ للصلاه... اتروش... ماتتحرك ولا تنثر 

وتقريبا هي ماسكارتين في ماسكارا وحده لانها نظام بالفر وتطلع لك فرشة صغيرة عشان تفردين الرمش وتفرين للجهة الثانية تكثف الرمش 

-سعرها جداً مناسب وتستاهل 

-سوادها متوسط يعني تصلح يومي 

-ما تنثر 

وهذي فرشتها الثانية بعد الفر 

المرتبة الثانية :

جيفنشي ..اسمها نوير كوتر 

 NOIR COUTURE

هذي الماسكارا الكيوت وصراحة ماكنت اناوية اشتريتها بس اللي بالمحل تفلسفت علي حبتين وأنها أحسن ماسكارا ومدري ايش 

شوي الا قالت فيها نسبة زيوت وتحمي الرموش 

أبدا ماترددت اخذها قلت يابنت رموشي تحتاج هذا الشي وخصوصا اللي تحط ماسكارا دايم احس لازم تشتريها واللي حبيته بعد فرشتها تجنن وتعطي كل رمش حقه ترفدهم فرد يعني مره بطلة لحد الان استخدمها ولا شفت عليها عيوب صراحة 

وحسيت انها تطول أكثر من انها تكثف بس مجرد ماتعيدين عليها تعطيك نسبة تكثيف ناعمه 

-سعرها معقول بالنسبة لسمعتها وصنفت انها موست هاف يعني شي لازم تشترينه

- سوادها جميل وتنفع استخدام يومي 

-أبدا ماتنثر 

المرتبة الاولى 

ديور 

اسمها ديور شو بلاك أوت

Diorshow blackout 

هذي ماسكاراة الشيوخ لان صراحة مااحطها الا وقت المناسبات احسها كذا مدري كيف اوصفها بس اذا بحط مكياج سموكي احطها لان تعطي التكثيف المطلوب  

-سعرها مناسب 

-سوادها يفتح النفس من غير الكثافة 

- وتنثر اذا طولت اكثر من ١٢ ساعة يعني ماتقصر 

وبس تقريبا هذي الماسكارات اللي استخدمها حاليا وفيه ثانيات ودي اجربها مثل سيفورا وكوفر قيرل وغيرها وأكيد اذا جربتها بتكلم عنها 

Leave a Comment مراجعات