بسم الله والحمدلله
من زمان ابي اتكلم عن فاونديشن قوتشي ..بس قلت أجربه أول وأعطيكم المراجعة كاملة الوافية
طبعاً هذا أول فاونديشن من قوتشي
كنت متحمسة له صراحة خفيف وزي الماء على البشرة فعلاً نفس نداوة الماء على البشرة
ويستاهل كل المدح اللي عليه
تغليف العلبة جداً راقي ..بالعادة الماركات تهتم بالعلبة نفسها لكن هنا
أهتمت بالاثنين...(للي مهتمين بأدق التفاصيل )
الفاونديشن | Foundation:
قوامه سائل.. ب ١٨ درجة مختلفة حسب ماذكر بالموقع
لكن الغريب لما رحت أشتريه الدرجات الداكنة ماكانت متوفرة كاملة
العلبة زجاجية ثقيلة نوعاً ما مع (بامب )
تصميمها جداً راقي وجميل
فيه حماية بنسبة ٢٥٪ من أشعة الشمس
التغطية خفيفة وتوعد بالنضارة.. هذا أكثر شي يركز عليه المنتج النضارة واللمعة الطبيعية
قابلة للبناء وتعطي تغطية خفيفة إلى متوسطة
البودرة | Powdr:
العلبة جداً مميزة الصورة ماكفتها حقها
مع ان البودرة بالنسبة لي مو شيء مهم
لكن اللي كانت تبيع لي كانت مصرة أني أخذها توقعت أنها تسوق لها ..
لكن قالت جربيها راح تلاحظي انها غير عن أي بودرة ثانية جربتيها
وفعلاً جربتها
جدا خفيفة وتأدي غرضها كبودرة ماتكتم الأساس أو البشرة
أقرب للبودرة الحرة في تخفيف المناطق الدهنية
جربتها مع أساس قوتشي ..مع أساس ثاني ..
جداً رهيبة وتعطي نتائج رهيبة على الوجهه
قوامها خفيف ويعطي نضارة للبشرة
| |
هل أنصح فيه ؟
١
البنات اللي ماعندهم مشاكل كثيرة في بشراتهم ويبون تغطية خفيفة أو ماتحب المكياج الثقيل
راح ينفع لهم
اللي عندها مشاكل مثل حب الشباب أو مسام
راح تحتاج كونسيلر ومصحح أخطاء(كوركتر) عشان يعطيها نتائج مرضية
٢
اللي عندها كريم أساس خفيف يومي ومرتاحة علية
ماراح تحتاجه لان في بدائل كثيرة غيره أرخص
لكن لو سمحت لك الفرصة تجربينه جربية لان يستاهل وأبداً ماندمت اني استخدمته
٣
بالنسبة لسعره يعتبر غالي كونه كريم أساس خفيف
مفروض يعطي تغطية أكثر لكن عموما لوحابة كريم أساس خفيف لطيف راح يعجبك
قوتشي الان طرحت كريم أساسها الجديد
أتمنى أن تغطيته تكون قريبة للمتوسطة
ويحافظ على نفس اللمعان في نفس كريم أساسها هذا
أتمنى أن المراجعة كانت وافية
وياريت اللي جربته تذكر تجربتها هنا بالتعليقات
أو بالانستقرام @goldenlady995
هذا وصل الله وبارك
