بسم الله والحمدلله
موضوع اليوم فريد من نوعه .. وأستمتعت جداً وأنا أسويه
وموضوع الفاشن صراحة أحبه أكثر من التجميل .. بس إذا دخلت سيفورا ولا ماك أنسى الموضوع شوي
نرجع لموضوعنا ..وهو تنسيق لطلعة خفيفة
ولبس اليوم جدا مريح وخفيف
هالأيام مزاجي مره مع الفساتين ..وصايرة أنشد لها بزيادة
أتوقع راح تكون موضتي الجديدة هذي السنة
فستان زيتي من OXXO
ونسقت معه هذا الجاكيت أو البلايزر الطويل لونه رمادي على بيج من ستراديفاريوس
أو ( محل الموسيقى ) =) إختصار من عندي
التنسيق باهت شوي
ممكن أضيف معه سلسال طويل ذهبي إذا كنت بطلع مساء
لكن دخلت معه سكارف جميل برضو من ستراديفاريوس
ألوانه كثيرة وتفاصيله جميلة غريب شوي وكسر الكثير في اللوك
حبيت أغير الروتين هالمره وبدال الكعب ألبس فلات سبور
فسنكيرز الجميل الخفيف من ستراديفاريوس
وأبيض .. وأنا من زمان أدور على أبيض ناصع البياض والجمال + خفيف
غير المعتادين عليها من نايك أو أديداس رياضية جداً
هذي ناعمة وتنفع مع الفستان أو أي لبس ثاني
طبعا السكارف تفاصيله كثيره
ونسقت واحد ثاني خفيف في الخامة والألوان
أهم شي مايكون باهت
ملاحظة على التنسيق :
ـ ينفع للبنات اللي شعرهم قصير والمتوسط ( عشان السكارف ) مايضيع التركيز منه
واللي شعرها طويل تسوي ذيل فرس " بوني تيل"
ـ الطويلة والقصيرة
ـ الشوز الله يكرمكم تقدرون تغيرونه أكيد لكعب
ـ تقدرون تضيفون أكسسوار بس أهم شي مايكون كثير عشان السكارف مايضيع
واللوك يكون أوفر وكثير لإن الخطة تنسيق خفيف وبسيط
- تقدرون تضيفون بنطلون أو ليقنز مع اللوك
التنسيق من :
الفستان = OXXO
الجاكيت الطويل والسكارف الثنين والشوز = ستراديفاريوس
هذا وصل الله وبارك
أتمنى أنكم أستمتعوا بهذي التدوينة مثل ماأستمتعت
وأعطوني رأيكم أعجبكم التنسيق ولالا .. ؟!
هنا بالتعليقات أو بالإنستقرام @goldenlady995
