مكياج بسيط للدوام الصباح (مكياج سريع سريع )

بسم الله والحمدلله 
وصبحكم الله بالخير

اليوم موضوعي كيف أسوي مكياج ناعم وبسيط 

ينفع للدوام و يكون يومي وأهم شيء ..سريع سريع ! 

وبستعرض معكم الطريقة والمنتجات اللي أستخدمها

وتقدرون تغيرون المنتجات حسب اللي عندكم ..

مكياج الوجه 

ـ مرطب الوجه :

أستخذم المرطب والمغذي من ميك آب فور أيفر - الأبيض -

ـ بيبي كريم :

من كلارينس خفيف ومايتغير لونه أو يقطع مع الأستخدام

ويخفي العيوب بشكل جميل وفيه نسبة وقاية من الشمس SPF25

 + سبق وتكلمت عنه في بوست بالإنستقرام 

ـ برونزر :

برونز من ميك آب فور أيفر خفيف وناعم الدرجة اللي أستخدمها(30M )

تقدرين تسبدلينه بالبلشر 

لكن أنا أحب أستخدم البرونز يعطي شكل دافئ وهادئ الصباح 

ويبرز الوجه أكثر + يغنيني عن البلش 

ـ محدد شفايف :

من ريميل لندن رقمه (011) SPICE

طبعا قبل أستخدم مرطب شفايف وأحطه لونه فظيع وجممميل جدا 

وأهم نقطة ثباته عالي ويبقى أطول وقت ممكن 

ـ الروج :

من ماك درجة : PLEASE ME 

مايله على الوردي لونها ناعم وينفع للصباح 

 لكن أحب أخففها أكثر 

وأستخدم درجة أفتح درجة البيج من ماك = SIS

.

.

مكياج العيون

ـ كحل بني : 

أستخدم كحل بني من ريفلون كريمي 

مهم لازم يكون عندك كحل بني كريمي خصوصا إذا تداومين 

أحطه بالجفن من تحت ومن فوق وأدمجه 

ويعطي شكل رهيب للعين اللي تعاني من مشكلة الإنتفاخ بالعين الصباح 

راح تعجبها النتائج + أفضل أستخدام البني على (الأسود )

أحس الأسود يعطي شكل حاد وقوي 

البني هادي وخفيف للصباح والأستخدام اليومي

كحل البيج : 

كحل البيج من ريميل لندن 

لداخل العين ..أستخدمه فقط على زاوية العين على نهاية الرموش من الأخير 

وأحاول أبتعد عن زاوية العين من البداية عشان يفتح العين بشكل طبيعي 

ماسكاراه الحواجب : 

ماسكارا الحواجب من آلف 

تعبي الحاجب وتعطي لون خفيف ..فاتغني كثير عن القلم والجل 

وأنا شخصيا ماأفضل أستخدام القلم أو الجل الصباح .. إلا في حال كانت حواجبك خفيفة وتحتاج

 لكن اللي حواجبها كثيفة أو فيها شعر بين أفضل أستخدام الماسكارا وخلاص

عشان بقد ماأقدر أبي أطلع بشكل هادئ 

الماسكارا : 

من برجوا حاليا أستخدم PUSH UP

تفرق الرموش وتطول وتكثف وحاليا هي صديقتي ..وأهم نقطة تعطي شكل طبيعي 

وماتحوس أخر الدوام وتطبع أو تنثر سواد 

الكحل + الأي شدو :

الكحل السائل نادر أحطه إلا إذا مروقة ونفسي أحطه يعني حسب المزاج أو حسب الكرف بالدوام ههههه 

وغالبا ماأحطه يوم الخميس ماأدري ليه بس أكون مبسوطة بالويكند وأستخدمه

الأي شدو برضو من الأشياء اللي أحطها وانا رايقة أو عندي وقت أحط الصباح 

وإذا حطيت ..أستخدمت فقط البني الفاتح على كسرة العين والغامق على الخط السفلي بالعين 

فقط  

هذا وصل الله وبارك 

أتمنى أنكم أستفدتوا وأفدتكم 

شاركوني بروتينكم اليومي بالمكياج بالتعليقات هنا أو بالإنستقرام 

@goldenlady995

5 comments مكياج