بسم الله والحمدلله
.
.
موضوع اليوم عن الصالونات وياجمال الصالونات
والمتعة لما تغيرين شي بسيط وتطلعين مبسوطة ومتجددة نفسيتك
بس هدفنا بهالموضوع نطلع وإحنا مبسوطين وبشكل إقتصادي
إنتشرت مراكز التجميل والصالونات الكبيرة والصغيرة العالمية والمحلية
وإختلاف الإسعار .. والمبالغة الخيالية فيها
اليوم بإذن الله بذكر طرق تخليك تحفظين فلوسك وتوفرين أكثر لما تروحين الصالون
أعرفي قبل لاتروحين وش تبين تسوين !
حتى ماتسوين أشياء انتي مو في حاجه لها وتضيعين وقتك
أدفعي قبل أي شي
بعد ماتعرفين وش تبين تسوين أطلبي أنك تدفعين قبل لاتسوين شي
عشان تكونين واضحة وهم واضحين
بعض الصالونات أو المراكز تقولك : (تفضلي مدام مع الإخصائية هي راح تعرف شو بدك تعملي )!!
أوكية خلي الإخصائية تشوف بعدين أدفعي .. كثير بنات أشوفهم يدخلون ويجلسون وتسوي اللي تبيه الإخصائية بعدين تتفاجأ البنت من المبلغ
إذا أنتي دائم تصبغين "أكتفي بالجذور"
يعني إذا كان شعرك بني وحابة الالون مافي داعي كل شهر تصبغين شعرك كامل
أكتفي بالجذور أصبغيها وراح يتغير شكل شعرك كامل ..هذي طريقة مجربة !
روحي الصالون وشعرك "ناشف"
هذي الطريقة أسويها وأتفاجأ أنها تنفع
لما أبي أقص شعري أو أسوي إستشوار أروح وشعري ناشف عشان يعطي طول قصير وتحسب السعر أقل
عكس لما أروح وشعري رطب أو فيه مويه يكون أطول بسانتيات ..وإلى الإن الحمدلله تنفع الحركة معي
توحيد لون الشعر (الرينساج)
إذا كنتي تصبغين شعرك بالبيت صبغات فاتحة ودائم تقلب لك على أورنج
أكتفي بزيارة الصالون عشان تسوين "رينساج" أو توحيد لون لشعرك بتفتيح أو التغميق حسب أنتي وش حابة
وهذا شي حلو أنك صبغتي بالبيت توفرين كثير وتكتفين بس بتوحيد اللون عشان اللمعة الأورنج تختفي
وغالبا مايكون الرينساج رخيص وبعض الصالونات إذا صبغتي عندها يكون الرينساج مجانا !!
كل ماعرفتي لنفسك وعرفتي الصالون الصح كل ماكان أفضل
غالبا مو كل المنتجات اللي بالصالون تناسب طبيعة شعرك أو الوجهة وغيره
حتى لو كانت معروفة سوا صبغات أو منتجات مثل شامبو أو بلسم
بعضها تكون ثقيلة على الشعر أو مايتحملها
حاولي تعرفين اللي يناسبك
هذا وصل الله وبارك
0 comments:
Post a Comment